Индустриски под

За решението

Индустриските подови се изведуваат во производни погони, магацини, ладилници и други големи простори со зголемени оптоварувања. Тие се изведуваат како подни бетонски плочи и имаат носечка функција за оптоварувањата што се јавуваат при користење на просторот, но не го носат товарот на самата зграда, кој се пренесува преку лентести или самостојни темели.

Во зависност од намената на просторот, индустриските подови може да бидат термоизолирани или неизолирани. Кај термоизолираните индустриски подови задолжително се вградува термоизолација со висока притисна цврстина, најчесто 500 kPa или 700 kPa, со цел да се издржат големите механички оптоварувања.

При изведбата на подните плочи особено внимание се посветува на квалитетот на бетонот, правилното изведување на дилатациите и завршната обработка на површината за одење. Подлогата на тлото мора претходно добро да се подготви, без разлика дали подната плоча ќе содржи само хидроизолација или и дополнителна термоизолација.

Поради собирањето на бетонот за време на стврднувањето, стручната пракса препорачува поставување двослојна разделна мембрана (на пр. PE или PVC фолија) врз целосно рамна подлога, пред изведбата на армирано-бетонската плоча. Ова овозможува горниот слој слободно да се движи при собирањето и спречува појава на несакани пукнатини во бетонот.

Состав на индустриски под

1. 1Армирано-бетонска плоча
2. 2PE фолија во два слоја
3. 3FIBRANxps 500-L или 700-L
4. 4Хидроизолација
5. 5Израмнувачки бетон
6. 6Тампонски слој (батуда)
7. 7Набиено тло