Внатрешна изолација

За решението

Кога термоизолацијата не може да се вгради од надворешната, односно студената страна на ѕидот, неопходно е таа да се постави од внатрешната, топлата страна. Иако ова решение не е прв избор, во одредени ситуации е единствено можно и функционално.

Поради ризикот од појава на топлински мостови и кондензација на водена пареа, ваквото решение мора да биде прецизно проектирано и правилно изведено.

Внатрешната изолација се применува:

• кога е потребно постојано одржување на одредена температура (ладилни простории, базени и сл.)
• кога просториите се користат повремено или само дел од денот
• кога се изолираат само одредени простории или ѕидови кои граничат со незагреани простори
• кога изолацијата не смее или не може да се постави од надворешната страна
• кај објекти со заштитени или релјефни фасади (културно наследство) или кога зголемувањето на дебелината на ѕидот би ја намалило законската оддалеченост до соседната парцела

Состав на ѕид со внатрешна термоизолација

1. 1Надворешен малтер
2. 2Надворешен ѕид
3. 3FIBRANxps ETICS GF
4. 4Внатрешен малтер (армиран со мрежица)